X

چۆن بزانین ئالوودەی مۆبایلەکانمان بووین

سۆشیال میدیا

پێش 2 هەفتە     218 ژمارەی خوێندراو
Alternate Text

 يحيى عومەر ڕێشاوی

- به‌یانیان كه‌ له‌خه‌و هه‌ستایت، یه‌كه‌م كارێك كه‌ بیكه‌یت گه‌ران بێ بۆ مۆبایله‌كه‌ت. !
- له‌گه‌ڵ هاورێ و خۆشه‌ویستاندا خه‌ریكی گفتوگۆی، چاوێكت لای ئه‌وان و چاوێكت لای مۆبایله‌كه‌ت. !

- له‌كاتی نانخواردنێكی به‌چێژی خێزانیدا، ده‌ستێكت به‌ كه‌وچکەكه‌ت و ده‌سته‌كه‌ی ترت نزیك له‌ مۆبایله‌كه‌ت. !
- له‌ كاتی شۆفیریدا، چاوێكت له‌سه‌ر رێگاكه‌ و چاوه‌كه‌ی ترت له‌سه‌ر مۆبایله‌كه‌ت . !

- له‌ ئان و ساتی ئاماده‌بوون له‌ كۆر و سیمینارێك و له‌ كاتی خوێندندا، چاوێكت له‌ مامۆستا و پێشكه‌شكار و ده‌ستیشت نزیك له‌ مۆبایله‌كه‌ت. !
- له‌ كاتی سه‌ردانی نه‌خۆشێك و به‌سه‌ركردنه‌وه‌ی دۆستێكدا، چاوێكت له‌ ئه‌وان و چاوه‌كه‌ی ترت لای مۆبایله‌كه‌ت. !

- شه‌ش مانگه‌ یه‌كتریتان نه‌بینیوه‌ و تامه‌زرۆی دیتنی یه‌كترن، به‌ جه‌سته‌ لای ئه‌ویت، به‌ڵام رۆحت لای مۆبایله‌كه‌ت. !
- به‌ حسابی خۆت چویته‌ پاركێك و له‌ده‌ره‌وه‌ی شار گه‌شت و سه‌فا ده‌كه‌یت، چاوێكت لای سفره‌كه‌ و چاوێكت لای مۆبایله‌كه‌ت. !

- مامۆستای مزگه‌وت ئامۆژگاریت ده‌كات و وتاری هه‌ینیت پێشكه‌ش ده‌كات، چاوه‌كانت ئه‌و ده‌بینێ، به‌ڵام بیرت لای مۆبایله‌كه‌ت. !
- خه‌ریكی دروستكردنی خواردنێكی به‌تامی بۆ خێزانه‌كه‌ت، كه‌چی زوو زوو خواردنه‌كه‌ به‌جێ ده‌هێڵیت بۆ بینینی ئازیزه‌كه‌ت ! مۆبایله‌كه‌ت. !

- کڕیارێک پرسیاری نرخت لێ دەکا، نرخەکەی پێ دەڵێی، بەڵام چاوت هەر لەسەر مۆبایلەکەت.!
خوای گه‌وره‌ شیفامان بدات .. ئامین رب العالمین