X

ژیان بە بێ ئینتەرنێت و ئەمشەو بە نمونە ...

سۆشیال میدیا

پێش 3 هەفتە     210 ژمارەی خوێندراو
Alternate Text

لە ئێوارەی دوێنێوە (بەكاتی كوردستان) هەندێك لە بەنێوبانگترین تۆڕە كۆمەڵایەتیەكان وچەندین بانك و دامەزراوەی هەستیاری حكومی ئەمریكا لەكار كەوتن ...

تۆ تەنهابیر لەوە بكەرەوە ، وەستانی فەیسبووك و واتس ئەپ و ئینستاگرام  بۆ چەند كاتژمێرێك ، زیانی دەیان ملیار دۆلاری بە جیهان و بزنسە جیاوازەكان گەیاندوە .

ساڵانێك لەمەوبەر بابەتم نوسیوە لەسەر "قۆناغی دوای ئینتەرنێت" كە ئێستاش هەمان بڕوام هەیە كە ڕۆژێك دادێت و لە داهاتوویەكی زۆر دوور نا ، ژیار(شارستانیەت)ی ئێستا و تەكنەلۆژیای سەردەم  كە مرۆڤایەتی شانازی پێكەوە دەكات ،ئەوا كۆتایی پێدێت ، جارێكی تر دەبێت بگەڕێینەوە خاڵی سەرەتا ..

گەر وا بیر دەكەیتەوە مرۆڤی ئەو سەردەمە ئاقڵترین و ژیرترین بونەوەری سەر زەوین لە مێژوودا  و خەڵكانی پێشووتریش خەڵكانی سادە و بێ زانست و بێ تەكنەلۆژیا بوون، ئەوا پێویستە جارێكی تر بیر بكەیتەوەو دان بەوەدابنێیت كە هەڵەی، دەبێت ئەوا باش بزانیت كە حیهان چەندان جاری تریش گەڕاوەتەوە خاڵی دەسپێك(هەڵبەتە ئەوە قەناعەتی خۆمە) و دووبارە دەست بە بنیاتنانی شارستانیەت كراوەتەوە ...

هەموو ئەوەی ئەمرۆ وەكو سەرچاوەی زانیاری كە باس دەكرێت ئەوەیە كە هەرزەكارێكی چینی تەمەن 13 ساڵ ، لە پشت ئەو هێرش ئەلیكترۆنیە بوە بۆ سەر كۆمپانیا ئەمریكیەكان و توانیویەتی بۆ چەند كاتژمێرێك لەكاریان بخات ، گەر تۆش بروات بەو هەواڵە جیهانیە كرد و پێت وایە منداڵێكی 13 ساڵان ئەو كارەی كردوە ، توڕەمەبە ، بەڵام دڵنیات دەكەمەوە كە ئاقڵت لە دەست داوە ...

ئێمە مانان لە چوارچێوەی هاوكێشە گەورە و  جیهانیەكاندا نین بۆ ئەوەی حسابمان بۆ بكرێت چ وەكو تاكێكی كورد چ وەكو تاكێكی شەرقی ، بەڵام تەئكید بە لەسەرووی ئێمەوە حەق و حسابات و تەسفیاتی زۆر گەورەتر هەن كە تەواوی سێكتەرەكانی گرتۆتەوە بە تەكنەلۆژیاشەوە ...

هەموو ئەوانەی لە سۆشیال میدیا شانازیت پێوە ئەكرد لە ژمارەی لایك و كۆمێنت و ڤیوو (بینین) و بزنس و كار و كەسابەت و چالاكیەكانتدا، ئەوا لە 6 كاتژمێری ڕابردوودا چیان لێهات ؟ئەسلەن تۆ چ كارە بووی ؟پێگەی تۆ لەو هاوكێشە و چارەسەركردنەدا چی بوو ؟دواجار گەر فەیسبووك بریاریدابوایە كە بۆ هەتا هەتایە تۆڕەكەی دابخات ؟شانازی تۆ لە چیدابوو ؟

بێگومان وەڵامەكەی "هیچ" دەبوو ....

دەمن دڵنیات دەكەمەوە ئەو رۆژە كە دێت كە تۆڕە كۆمەڵایەتیەكان كۆتاییان دێت ....

كۆتا قسە و وەكو بیرخستنەوەیەك،هەریەكێك لە شوێنی خۆیەوە (ماڵ، ئۆفیس، فەرمانگە ، بازار،سەیران .گەشت...هتد)بە ئارەزووی خۆی ئینتەرنێت بەكار دەهێنێت ، بەڵام تا ئێستا بیرت لەوە كردۆتەوە كێ توانای ئەوەیە ئینتەرنێـتی هەموو جیهان ڕابگرێت ؟بە واتایەكی تر كێن ئەوانەی سەرپەرشتی هەموو ئینتەرنێتەكانی جیهان دەكەن ؟

تۆ دەزانیت ئینتەرنێتـی هەموو جیهان لە لایەن 7 كەسەوە كۆنترۆل كراوە ،واتە ئەم 7 كەسە و بە هۆی ئەم 7 كلیلەوە دەتوانن كۆنترۆلی هەموو جیهان بكەن ، لە هەر ئەگەریكدا بیانەوێت دەتوانن ئینتەرنێتی هەموو ووڵاتێك بپچرێنن (بەڵام بەپێی یاسا )، هەروەها دەتوانن سیخوری بەسەر هەموو حكومەت و دەزگا و ڕێكخراو و بەرپرسەكان بكەن .

زۆری تر هەیە بۆ ووتن ، بەس هیوام وایە پەیامەكەم ڕوون بێت

ئەندام عومەر
ماستەر لە ئەندازیاری كۆمپیوتەر

هەواڵی زیاتر

هەواڵی ڕۆژهەڵاتی ناوەڕاست 3 کاتژمێر پێش ئێستا

باڵيۆزخانەی ئەمریكا لە بەغدا هۆشداری دەدات

هەواڵی کوردستان 4 کاتژمێر پێش ئێستا

كۆمەڵی دادگەری بڕیاریدا

هەواڵی ڕۆژهەڵاتی ناوەڕاست 4 کاتژمێر پێش ئێستا

وەڵامێكی توندی ئەردۆغان درایەوە

هەواڵی کوردستان 5 کاتژمێر پێش ئێستا

راگەیەنراوێك لە قائیمقامیەتی سلێمانییەوە