X

لێدوانی‌ ئه‌مریكا سه‌باره‌ت به‌ كۆبوونه‌وه‌یان له‌گه‌ل تاڵیبان

هەواڵی جیهان

پێش 2 هەفتە     151 ژمارەی خوێندراو
Alternate Text

میلله‌ت
وته‌بێژی وه‌زاره‌تی ده‌ره‌وه‌ی ئه‌مریكا رایگه‌یاند كه‌ كۆبوونه‌وه‌كانیان له‌گه‌ڵ بزووتنه‌وه‌ی‌ تاڵیبان كه‌ ئێستا فه‌رمانڕه‌وایه‌تی‌ ئه‌فغانستان ده‌كات، زۆر باش و ئه‌رێنی بوون.


نێد پرایس، وته‌بێژی وه‌زاره‌تی ده‌ره‌وه‌ی ئه‌مریكا له‌وباره‌وه‌ وتی‌: "دیدار و كۆبوونه‌وه‌كانی شاندی ئه‌مریكا له‌گه‌ڵ نوێنه‌رانی تاڵیبان له‌ ده‌وحه‌ی پایته‌ختی قه‌ته‌ر زۆر باش، پیشه‌یی و ئه‌رێنی به‌ڕێوه‌چوون".  

وته‌بێژی وه‌زاره‌تی ده‌ره‌وه‌ی ئه‌مریكا كۆبوونه‌وه‌كانی به‌ "كۆبوونه‌وه‌كانی كار" ناوزه‌ند كرد و باسی له‌وه‌ كرد كه‌ شاندی ئه‌مریكا به‌ڕوونی باسی له‌وه‌ كردووه‌ كه‌ تاڵیبان ته‌نها به‌گوێره‌ی هێرشه‌كانی هه‌ڵده‌سه‌نگێندرێت نه‌وه‌ك قسه‌كانی.  

باسی له‌وه‌شكرد كه‌ له‌ كۆبوونه‌وه‌كاندا ژماره‌یه‌ك بابه‌ت تاوتوێ كراون له‌وانه‌ "هه‌ڕەشه‌ی تیرۆر له‌ ئه‌فغانستان، هاووڵاتییانی ئه‌مریكا، رێگه‌دان به‌ جێهێشتنی ئه‌و ئه‌فغانستانیانه‌ی كه‌ پشتگیری ئه‌مریكایان كردووه‌ له‌گه‌ڵ هاووڵاتییانی بیانیی تا وڵاته‌كه‌ جێبهێڵن".  

پرایس ئاماده‌نه‌بووو لێدوان سه‌باره‌ت به‌وه‌ی‌ ئایا تاڵیبان له‌گه‌ڵ ئه‌مریكا هه‌ماهه‌نگیی ده‌كات له‌باره‌ی داعش-ویلایه‌تی خۆراسان یان نا، بدات.  

وتیشی: "'لێره‌دا به‌رژه‌وه‌ندی هاوبه‌ش هه‌یه‌، داعش-ویلایه‌تی خۆراسان چه‌نده‌ هه‌ڕەشه‌یه‌ بۆسه‌ر ئه‌مریكا و هاوپه‌یمانانی، ئه‌وه‌نده‌ش هه‌ڕەشه‌یه‌ بۆسه‌ر تاڵیبان''.  

له‌ ناوه‌ڕاستی مانگی ئابی رابردوو، چه‌كدارانی بزووتنه‌وه‌ی تاڵیبان هاوكات له‌گه‌ڵ ده‌ستپێكردنی قۆناغی كۆتایی كشانه‌وه‌ی هێزه‌كانی ئه‌مریكا له‌ ئه‌فغانستان ته‌واوی خاكی ئه‌و وڵاته‌یان كۆنترۆڵ كرد.  


هەواڵی زیاتر

هەواڵی ڕۆژهەڵاتی ناوەڕاست 4 کاتژمێر پێش ئێستا

باڵيۆزخانەی ئەمریكا لە بەغدا هۆشداری دەدات

هەواڵی کوردستان 5 کاتژمێر پێش ئێستا

كۆمەڵی دادگەری بڕیاریدا

هەواڵی ڕۆژهەڵاتی ناوەڕاست 5 کاتژمێر پێش ئێستا

وەڵامێكی توندی ئەردۆغان درایەوە

هەواڵی کوردستان 6 کاتژمێر پێش ئێستا

راگەیەنراوێك لە قائیمقامیەتی سلێمانییەوە