وادەی شەپۆلێكی بەفرو بارانبارین لەم ناوچانەی هەرێم ئاشكراكرا

هەواڵی کوردستان

Alternate Text

میللەت
بەپێی پێشبینییە كەشناسییەكان، لە ڕۆژی سێشەممەوە پلەكانی گەرما زیاتر نزم دەبنەوە و لە ناوچە شاخاوییەكانی باكور و باكوری ڕۆژهەڵاتی هەرێم بەفر و باران دەبارێت.  

ئاراس جەبار شارەزای كەشناسی لە راگەیەندراوێكدا ئاماژەی بەوەكردووە كە  بەرەبەیانی رۆژی سێشەمە ٢٦-١٠-٢٠٢١ ناوچە شاخاوییەكانی باكور و باكوری رۆژھەڵاتی ھەرێم دەكەوێتەوە ژێر كاریگەری نزمە پاڵەپەستۆیەكی ساردی باران و بەفر لە سەرچاوەی( دەریای رەش ) و لەگەڵ ھاتنی بارستە ھەوایەكی زۆر سارد ئەبێتە ھۆی رەخساندنی شەپۆلێكی مامناوەند بۆ لاوازی بارانبارین لە ناوچە شاخاوییەكان و بەتایبەت ناوچە سنوریەكانی پارێزگای ھەولێر و دھۆك تا ناوچە شاخاوییەكانی سنوری ئیدارەی راپەرین دەگرێتەوە .

وتیشی، پلەكانی گەرماش لەو ناوچانەدا بەرێژەی ٥ تا ٧ پلە نزمدەبنەوە وكە هۆكارە بۆ بارینی بەفر بە رێژەی كەم و جیاجیا لە لوتكەی شاخەكاندا بەتایبەت لەبەرزی زیاتر لە ٢٥٠٠م لە ئاستی ڕووی دەریا .

لە راگەیەندراوەكەدا هاتووە كە كاریگەری ئەم نزمەپاڵەپەستۆیە بەدەر لە ناوچە شاخاویەكانی ئەو سێ سنورە كە لەسەرەوە ئاماژەمان پێكردوە كاریگەری نابێت یان زۆر لاواز ئەبێت لەسەر ناوچە نزمەكان وەك سەنتەری پارێزگاكان و ناوچەكانی دیكەی ھەرێم ھەم لەرووی نزمبوونەوەی پلەكانی گەرما و بارانبارینەوە.

ئاراس جەبار رونیشكردوەتەوە، لەم شەپۆلەدا بەتایبەت لە كوردستانی باكور و باكوری رۆژئاوای وڵاتی ئێران پێشبینی بارینی بارانێكی زۆر و ھاوكات بەفر بارینی چڕ دەكرێت لە شاخەكاندا و لەبەر ئەوەی راستەوخۆ چەقی نزمەپاڵەپەستۆكە و بارستە ھەوا ساردەكە لەم ناوچانەدا قوڵدەبێتەوە كاریگەرییە لاوەكییەكانی لەسەر باكور و باكوری رۆژھەڵاتی ھەرێمیش درێژدەبێتەوە.

هەواڵی زیاتر

هەواڵی کوردستان 10 خولەک پێش ئێستا

راگەیەنراوێك لە یەكێتییەوە

هەواڵی کوردستان 23 خولەک پێش ئێستا

شۆفێرێك گیانی لەدەستدا

هەواڵی ڕۆژهەڵاتی ناوەڕاست 2 کاتژمێر پێش ئێستا

وەجبەیەكی نوێی ڤاكسینی فایزەر گەیشتە عێراق

هەواڵی کوردستان 2 کاتژمێر پێش ئێستا

هۆشدارییەك لە وەزیری پێشمەرگەوە