هێڵی ئاسمانی عێراق سوپاسی كچە فڕۆكەوانێكی كورد دەكات

هەواڵی کوردستان

Alternate Text

میللەت
بەڕێوەبەری هێڵی ئاسمانی عێراق  رایدەگەیەنێت، كچە كوردێكی خەڵكی شاری سلێمانی كە فڕۆكەوانە، گیانی سەرنشینەكانی فڕۆكەیەكی رزگاركرد.

عەباس عومران بەڕێوەبەری هێڵی ئاسمانی عێراق سوپاسی تیمی گەشتی ژمارە (IA223) كە فڕۆكەی جۆری (B737-800/YIASJ) لە فڕۆكەخانەی بەغدادەوە بۆ فڕۆكەخانەی ئیستانبوڵ ئەنجامیداوە.

ئاماژەی بەوەكردوە، ئەم فڕۆكە نەفەرهەڵگرە لە كاتی گەشتەكەیدا روبەڕووی گێژەڵوكەیەك بوەتەوە، بەڵام تاقمی فڕۆكەكە توانیویانە بە سەلامەتی سەرنشینەكان رزگار بكەن.

كاپتنی فڕۆكەكە پیاوێك بووە بە ناوی (كەمال عەباسی)، یاریدەدەرەكەشی كچە كوردێكی خەڵكی شاری سلێمانی بووە بە ناوی (وەرتێ بەكر حاجی عەلی).

بەڕێوەبەری هێڵی فڕۆكەوانی عێراق، (كەمال عەباس)و (وەرتێ بەكر) وەكو دوو فڕۆكەوانی بەئەزموون ناودەبات كە دوای نزیكەی كاتژمێرێك و ٣٠ خولەك فڕین بە ئاسمانی شاری ئیستانبوڵدا، توانیویانە سەرنشینەكان بەسەلامەتی بگەیەننە سەر زەوی.