ئەمینداری وەزارەتی پێشمەرگە: هێزی زیاتر رەوانەی سەنگەرەكان دەكەین

هەواڵی کوردستان

Alternate Text

میللەت 
ئەمینداری وەزارەتی پێشمەرگە رایدەگەیەنێت ئەمرۆ كۆبونەوەیەكی باڵامان لەوەزارەت لەبارەی مەترسی و پەلامارەكانی چەكدارانی داعش بۆ سەر سەنگەرەكانی هێزی پێشمەرگە ئەنجامداوە و جەختیشدەكاتەوە لەسبەینێوە وەفدێكی باڵای وەزارەت سەردانی سەنگەرەكانی پێشمەرگە دەكەن و هەر پێداویستییەكیان بوبێت بۆیان دابیندەكرێت و ئاشكراشیدەكات هێزی زیاتر رەوانەی سەنگەرەكانی پێشمەرگە دەكرێن. 

 

 فەریق روكن جەبار یاوەر, ئەمینداری وەزارەتی پێشمەرگە رایگەیاندوە لە یەكەم رۆژی پەلاماری چەكدارانی داعش بۆ سەر ئەو ناوچانە وەفدێكی وەزارەتی پێشمەرگە بە سەرۆكایەتی وەزیری پێشمەرگە لە نزیكەوە سەنگەرەكانی هێزی پێشمەرگەی بەسەركردۆتەوە.  

 

ئاماژەی بەوەكرد ئەمرۆ سێشەممە 30ی تشرینی دوەمی2021 لە وەزارەت كۆبونەوەیەكی باڵامان ئەنجامداوە كە بەرپرسی یەكە و لیواو فەرماندەكان ئامادەیبون و بڕیاردرا لە سبەینێوە وەفدێكی باڵای وەزارەت  سەنگەرەكانی پێشمەرگە بەسەربكەنەوە  هەر پێوییستییەكیان هەبێت بۆیان فەراهەمبكرێت.

 

رونیشیكردەوە سەرجەم فەرماندەكان رێنمایی نوێكران و سەنگەرەكانی پێشمەرگە قایمتردەكرێن و كامێرای حەراریش لە سەنگەرەكان جێگیردەكەین و هێزی زیاتریش ئەگەر پێویست بكات رەوانەی سەنگەرەكانی پێشمەرگەی دەكەین.